HB en MJ Thom Prestige-toekenning vir die bevordering van Afrikaanse onderwys en opleiding

Die prestige-toekenning het erkenning gegee aan die FAK se langsdienende voorsitter en voormalige rektor van Stellenbosch Universiteit, professor HB Thom en sy eggenote MJ Thom. Hierdie toekenning is toegeken aan persone wat ’n wesenlike bydrae gelewer het om Afrikaanse onderwys en/of Afrikaans in die hoër onderwys te bevorder. Die toekenning is oorhandig tydens die FAK se jaarlikse Prestige-aand of tydens ’n spesiale geleentheid.