’n Gevestigde staproete van ongeveer 7 km, neem jou by wingerde verby, op ’n kronkelpaadjie onder bome deur, na ’n waterval en ’n bergpoel waarin heerlik afgekoel kan word. Op die roete leer jy ’n paar feite oor Piet Retief en Welvanpas.
Na afloop van die stap ontspan ons op die grasperk voor die ou plaasopstal en vergelyk ons antwoorde van die roete en geniet iets te ete en te drinke, na eie keuse.
• Datum: Toere word op aanvraag aangebied
• Koste: R80 per persoon
• Ontmoetingspunt: Welvanpas-familie-wynlandgoed, Bovlei, Wellington
• Eindbestemming: Welvanpas-familie-wynlandgoed, Bovlei, Wellington
• Duur van toer: 4 ure
• Groepgrootte: Maksimum 30 mense
• Wat het jy nodig? Stapskoene, water en sonbrandroom
