𝐉𝐨𝐯𝐚𝐧 𝐒𝐰𝐚𝐫𝐭 𝐬𝐞 𝐢𝐧𝐬𝐩𝐢𝐫𝐞𝐫𝐞𝐧𝐝𝐞 𝐝𝐞𝐞𝐥𝐧𝐚𝐦𝐞 𝐚𝐚𝐧 𝐝𝐢𝐞 𝐅𝐀𝐊 𝐬𝐞 𝐈𝐧𝐭𝐞𝐫𝐧𝐚𝐬𝐢𝐨𝐧𝐚𝐥𝐞 𝐀𝐟𝐫𝐢𝐤𝐚𝐚𝐧𝐬-𝐄𝐤𝐬𝐩𝐨

Jovan Swart, ’n sewejarige deelnemer aan die FAK se Internasionale Afrikaans-Ekspo, het sy besonderse talent ten toon gestel as wenner van sy ouderdomskatagorie (Graad R tot Graad 2).

Sy inskrywing is geïnspireer deur ’n persoonlike ervaring, die verlies van sy Ouma en Oupa toe hy vyf jaar oud was. Hierdie gebeurtenis het gelei tot diep gesprekke met sy ma oor die hemel, waar sy die hemel beskryf het as ’n plek gevul met helder kleure – ’n beeld wat aanklank gevind het by Jovan se liefde vir reënboë.

Jovan se ma, Melissa Swart, verduidelik dat hy sy afwagting vir die ewige lewe en die troos wat dit meebring, wou deel. Die wen van sy ouderdomskatagorie het Jovan vreugde en dankbaarheid gebring.

“Hy voel bly om te weet hy is ’n wenner omdat Jesus vir hom talente gegee het,” het Melissa gesê, wat sy nederigheid en geloof weerspieël.

Jovan se deelname aan die FAK se Internasionale Afrikaans-Ekspo wys dat selfs die jongste stemme diepgaande boodskappe van liefde en hoop kan deel.