Kom stap saam op die historiese Muratie-wynlandgoed en skerp ook sommer jou kennis van geskiedenis en erfenis bietjie op. Hierdie landgoed, in die Knorhoekvallei buite Stellenbosch, het ’n ryk geskiedenis van kleurryke mense wat nou verweef is met die ou Kaapse geskiedenis.
Pak jou rugsak, trek jou stapskoene aan, sit jou sonhoed op. Die 3.5 km-sirkelstaproete is ’n gemaklike roete met meer as 220 handgeboude houttrappies wat pragtige uitsigte oor Tafelberg in die verte bied. Na afloop van die stap, besigtig die oorspronklike plaasopstal en ’n groot eikeboom. Die wynproelokaal en restaurant kan op eie tyd en rekening besoek word.
- Datum: Toere word op aanvraag aangebied
- Koste: R75
- Ontmoetingspunt: Dirtopia-roetesentrum, Muratie-wylandgoed, Knorhoekweg,
vanaf R44 naby Stellenbosch
- Eindbestemming: Dirtopia-roetesentrum, Muratie-wylandgoed, Knorhoekweg,
vanaf R44 naby Stellenbosch
- Duur van toer: 4 ure
- Groepgrootte: Maksimum 30 mense
- Wat het jy nodig? Stapskoene, hoed, sonbrandroom en water
